Алесь Рамановіч: Парушэнні з боку сілавікоў відавочныя
У Пінску праваабаронца, сябра Руху “За Свабоду” Алесь Рамановіч патрабуе ад пракуратуры прыцягнуць да адказнасці міліцыянта, які сведчыў супраць яго на судзе, а таксама разабрацца з фактам канфіскацыі маёмасці ў момант затрымання. 15-га лістапада ў праваабаронцы арыштавалі мабільны тэлефон.
Алесь Рамановіч адзначае, што парушэнні з боку сілавікоў відавочныя:
– Міліцыянт даваў ілжэсведчанні на судзе. У судовай справе, калі пракуроры яе паглядзяць, там можна будзе заўважыць, што ён дае розныя сведчанні, нібыта заблытаўся ў сваіх паказаннях. Практычна прызнае падлог. Наступнае, гэта тое, што ў мяне арыштавалі тэлефон. Арыштавала тэлефон асоба, якая вяла адміністрацыйны працэс. Яшчэ не было суду, а тэлефон ужо быў арыштаваны.
Праваабаронца адзначае, што нейкай надзеі на пракуратуру няма, але вельмі важна фіксаваць незаконныя дзеянні міліцыянтаў, каб прэтэнзіі былі ні на словах.
Беларускае Радыё Рацыя
