Аляксандр Кабанаў: Каманда не развалілася
Крыху больш за сто чалавек чарговы раз сабраліся ў Берасці, каб выказаць свой пратэст супраць будаўніцтва акумулятарнага заводу. Яны абмеркавалі прыезд Лукашэнкі і яго заявы.
Адзін з лідараў пратэстаў Аляксандр Кабанаў кажа, што пакуль адсутнічае адзіная пазіцыя:
– У нас ужо падзяліліся меркаванні, бо хтосьці кажа „адзначаем перамогу”, а хтосьці кажа „нас падманваюць”, хтосьці кажа „трэба далей змагацца”. Каманда не развалілася, гэта ўсё актыўна абмяркоўваецца. Людзі ў прынцыпе задаволеныя, што такія крокі пайшлі. Вось ужо выйшла на ўзровень прэзідэнта і на многія яго словы варта акцэнтаваць увагу.
Паводле Аляксандра Кабанава, у кіраўніка дзяржавы не найлепшае стаўленне да дзеянняў мясцовых уладаў. Таму актывісты гатовыя дапамагчы ў такой сітуацыі.
Беларускае Радыё Рацыя, Берасце
Глядзіце таксама
