Аляксандр Сахарук: Не трэба пакідаць без ўвагі супроцьпраўныя дзеянні ўлады
Рабочы адной з будаўнічых арганізацый Берасця, сябра прафсаюза РЭП Аляксандр Сахарук на адмову ўключыць яго ў выбарчую ўчастковую камісію выйшаў на адзіночны пікет з бел-чырвона-белым сцягам.
Пікет спачатку праходзіў ля Берасцейскага гарвыканкама.
Кажа Аляксандр Сахарук:
– У 14.20 да мяне падыйшоў прапаршчык. А я кажу: хай глядзіць вашая адміністрацыя, яна мяне не ўключыла ў выбарчую камісію, значыць выбары ўжо будуць сфальсіфікаваныя, галасы будуць скрадзены ў людзей, як галасы скралі ў Цапкалы, у Бабарыкі. Ён мяне папрасіў бліжэй да скрыжавання стаць. Я ўжо і падзякаваў, бо там людзей больш. Я прастаяў гадзіну, а потым узяў сцяг і прабег з ім да прыпынку.
Паводле Аляксандра Сахарука, не трэба пакідаць без ўвагі супроцьпраўныя дзеянні ўлады. Кожны павінен супраціўляцца рознымі даступнымі метадамі.
Беларускае Радыё Рацыя
