Аляксандр Вянгерскі засуджаны да 10 сутак арышту
У Менску адбыўся адміністрацыйны працэс у дачыненні Аляксандра Вянгерскага, які 28 верасня на матчы БАТЭ (Барысаў) – „Арсенал” (Лондан) выбег на поле з бел-чырвона-белым сцягам.
Было складзена два адміністрацыйныя пратаколы: адзін паводле артыкулу „дробнае хуліганства”, іншы за нібыта „непадпарадкаванне службовай асобе”.
У выніку адміністрацыйнага працэсу агулам Аляксандр Вянгерскі засуджаны да 10 сутак адміністрацыйнага арышту.
Футбольны заўзятар паспеў расказаць журналістам, што пасля затрымання яго збівалі. У выніку да маладога чалавека выклікалі хуткую дапамогу.
Аляксандру Вянгерскаму 26 гадоў, родам ён з Вялейкі. Жыве то ў сталіцы, то ў родным горадзе. Менавіта Аляксандр Вянгерскі нядаўна выходзіў на плошчу з плакатам „Русский солдат, иди домой! Водки здесь нет”. Адметна, што Вянгерскі з’яўляецца прыхільнікам і фанатам якраз лонданскага Арсенала і падпісваецца часта нікам „Венгер” (менавіта такое прозвішча галоўнага трэнера брытанскага клуба).
Беларускае Радыё Рацыя
Фота Reuters
