Аляксандра Бяльчука перавялі ў СІЗА
Аляксандра Бяльчука арыштавалі і з ізалятара часовага ўтрымання (ІЧУ), дзе ён утрымліваўся з пятніцы, перавялі ў следчы ізалятар (СІЗА).
Пра гэта паведаміў ягоны бацька Іван Бяльчук, які разам з адвакатам прыехаў у Берасце падтрымаць сына. Сям’я Бяльчукоў, чальцы якой былі героямі падзеяў са стралянінай пад Маларытай, усё ж спадзявался на падпіску аб нявыездзе для Аляксандра, аднак дарэмна:
– Яны з парушэннем яго затрымалі. Я прывёз характарыстыку, пад ёй падпісаліся 62 аднавяскоўцы.
Неўзабаве пачнецца першы суд па справе старэйшага брата – Мікалая. Ён адмовіўся ад сведчанняў супраць сябе і па словах сваякоў пракурор наўзамен вырашыў не зацягваць з перадачай справы ў суд. Абодвум братам інкрымінуюць артыкул Крымінальнага кодэксу Беларусі “гвалт, альбо пагроза гвалту ў дачыненні супрацоўніка міліцыі”. Максімальны тэрмін пакарання па ім – 6 гадоў зняволення.
Мікола Ляшкевіч, Беларускае Радыё Рацыя, Берасце
