Андрэй Стрыжак рэзка выказаўся з нагоды слоў Аляксандра Ярашука
Актывіст прафсаюза Радыёэлектроннай прамысловасці Андрэй Стрыжак пракаментаваў заяву старшыні Кангрэсу дэмакратычных прафсаюзаў Аляксандра Ярашука, які пасля допыту сказаў, што кіраўніцтва прафсаюзу РЭП не з’яўляецца белым і пухнатым.
Андрэй Стрыжак заявіў:
«У той час, як праваабарончая і грамадзянская супольнасць аднагалосна заявіла аб тым, што „справа незалежных прафсаюзаў” аналагічна „справе Бяляцкага”, Аляксандр Ярашук палічыў патрэбным замест салідарнай падтрымкі заявіць пра тое, што кіраўніцтва РЭПа „само моцна падставілася”.
Такая фраза выглядае як помста і спроба вынесці канфліктную сітуацыю ўнутры Кангрэсу на ўсеагульны агляд і менавіта ў той момант, калі нанесены ўдар па двух арганізацыях і калі заведзена крымінальная справа.
Калісьці на адным з з’ездаў БКДП я прапанаваў свае паслугі мадэратара ў канфлікце паміж Ярашуком і Фядынічам. Учора я канчаткова пераканаўся ў тым, на чыім баку выступае гулец з прозвішчам „Ярашук” на майцы. З такімі людзьмі ніякіх перамоў быць не можа.»
Глядзіце таксама
