“Апошнія з магікан” вёскі Собаты
Усяго два чалавекі дажываюць свой век у вёсцы Собаты Маларыцкага раёну Берасцейскай вобласці. Гэта пенсіянеркі Вольга Букач і Надзея Вакульская. Да бліжэйшай вёскі Горы – каля двух кіламетраў. Для жыхарак вёскі Собаты гэта вялікая адлегласць, таму так і жывуць адныя ў лесе. Пенсіянеркі кажусь, што ўжо звыкліся да такога ладу жыцця:
– Дзеці ўгаворваюаць, каб ішла да іх, – не хочацца. Бо яшчэ сама крышку варушуся. Мне 90 гадоў. Пакуль сама змагу вады ды дроў прынесці, тут застануся.
– Якое жыццё на пенсіі? Раз у месяц пенсію прынясуць, тры разы ў тыдзень аўталаўка прыедзе, і ўсё – жыві.
У 60-ыя гады мінулага стагоддзя ў вёсцы налічвалася каля двух дзесяткаў дамоў. Сёння агульная колькасць дамоў каля дзесяці, большасць з якіх пустуюць або разбураныя.
Беларускае Радыё Рацыя, Маларыта
Фота Віталія Чайкі
Глядзіце таксама
