Апублікаваны графік правядзення ЦТ у 2017 годзе

Устаноўлены графік правядзення цэнтралізаванага тэсціравання па навучальных прадметах у 2017 годзе. Такая інфармацыя размешчана на Нацыянальным прававым інтэрнэт-партале.

 

Цэнтралізаванае тэсціраванне пройдзе ў наступныя дні:

– беларуская мова – 12 чэрвеня, панядзелак;

– руская мова – 14 чэрвеня, серада;

– грамадазнаўства – 16 чэрвеня, пятніца;

– матэматыка – 18 чэрвеня, нядзеля;

– біялогія – 20 чэрвеня, аўторак;

– замежная мова (англійская, нямецкая, французская, іспанская, кітайская) – 22 чэрвеня, чацвер;

– хімія – 24 чэрвеня, субота;

– фізіка – 26 чэрвеня, панядзелак;

– гісторыя Беларусі – 28 чэрвеня, серада;

– геаграфія – 30 чэрвеня, пятніца;

– сусветная гісторыя (навейшы час) – 2 ліпеня, нядзеля.

 

Як паведамілі карэспандэнту БЕЛТА ў Міністэрстве адукацыі, рэгістрацыя на асноўны этап ЦТ будзе праходзіць з 2 мая па 1 чэрвеня.

 

Час работы пунктаў рэгістрацыі – з 9.00 да 19.00, у суботнія дні (13 і 27 мая) – з 9.00 да 18.00.

 

Зарэгістравацца для праходжання ЦТ у рэзервовыя дні можна з 30 чэрвеня па 3 ліпеня. Час пачатку ЦТ, у тым ліку ў рэзервовыя дні, 11.00.

 

Атрымаць сертыфікаты абітурыенты змогуць у пунктах правядзення ЦТ з 10 ліпеня, у БДУ (рэзервовыя дні) – з 13 ліпеня.

 

Графік устаноўлены пастановай Міністэрства адукацыі ад 31 сакавіка 2017 года нумар 29а. У пастанове змешчаны пералік устаноў адукацыі, вызначаных пунктамі рэгістрацыі для праходжання ЦТ, у тым ліку ў рэзервовыя дні, а таксама пунктамі правядзення ЦТ. У рэзервовыя дні ЦТ будзе праводзіцца ў Беларускім дзяржаўным універсітэце.