Аранжавы ўзровень небяспекі аб’яўлены на чацвер і пятніцу
Спякота адступіла ненадоўга. На чацвер і пятніцу, 9 і 10 жніўня, сіноптыкі абвясцілі аранжавы ўзровень небяспекі, паведамілі ў Белгідрамет Мінпрыроды.
У дзённы час 9 і 10 жніўня па паўднёвым захадзе Беларусі максімальная тэмпература паветра павысіцца да +30 … 32 ° С, папярэджваюць сіноптыкі.
Раней паведамлялася, што 9 жніўня ўмовы надвор’я на тэрыторыі Беларусі будзе вызначаць вобласць павышанага атмасфернага ціску і паветраная маса, якая рухаецца з паўднёвага захаду Еўропы. Чакаецца гарачае, пераважна без ападкаў, надвор’е. Ноччу і раніцай у асобных раёнах слабы туман. Тэмпература паветра мінімальная ноччу + 11 … 17 ° С, максімальная тэмпература днём складзе ад + 25 ° С па ўсходзе да + 33 ° С па захадзе Беларусі.
Фота replyua.net
