Арцыбіскуп Кандрусевіч выпадкова сустрэў Папу Францішка (фотафакт)
Старшыня беларускага епіскапату арцыбіскуп Тадэвуш Кандрусевіч выпадкова сустрэў папу Францішка, выходзячы з Дома св. Марты, дзе на час правядзення Сіноду спыніўся беларускі іерарх.
Мітрапаліт Мінска-Магілёўскі, як і Святы Айцец, ішоў у кірунку залы Сіноду побач з залай Паўла VI.
Падчас кароткай размовы тэт-а-тэт паміж беларускім іерархам і Пантыфікам была ўзнята тэма Касцёла ў Беларусі.
Беларускі іерарх паведаміў Святому Айцу, што Мітрапаліт Філарэт адзначае юбілей 40-годдзя прызначэння ў Беларусь.
Пантыфік папрасіў ад яго імя павіншаваць Ганаровага Патрыяршага Экзарха і запэўніць у ягонай блізкасці і малітве, што арцыбіскуп Тадэвуш Кандрусевіч з радасцю зрабіў падчас тэлефоннай размовы з юбілярам.
Паводле catholic.by
