Аварыя ў Менску: «Лада» перакуліла машыну хуткай дапамогі
Тры чалавекі атрымалі траўмы рознай ступені цяжкасці ў ДТЗ, якое адбылося 6 лістапада каля 14.00 на скрыжаванні вуліц Камуністычная і Багдановіча. Пра гэта auto.tut.by распавяла прадстаўнік ДАІ Цэнтральнага раёна Анастасія Радзько.
Паводле папярэдняй інфармацыі, машына хуткай дапамогі везла цяжкахворага пацыента і ехала па вуліцы Багдановіча са светлавой і гукавой сігналізацыяй. На скрыжаванні з вуліцай Камуністычнай аўтамабіль хуткай сутыкнуўся з «Ладай». Ад удару хуткая перакулілася на «Сітраэн», які стаяў перад святлафорам, пасля чаго апынулася на даху.
У выніку ДТЗ кіроўца і пасажыр «Сітраэна», а таксама доктар атрымалі траўмы рознай ступені цяжкасці і былі дастаўлены ў бальніцу.
Па факце аварыі праводзіцца праверка.
