Бацька Андрэя Бандарэнкі сустрэўся з сынам
Бацька Андрэя Бандарэнкі сустрэўся ў сынам у менскім СІЗА на Валадарскага. Праваабаронца прасіў перадаць на волю, што на ўмовы ўтрымання не скардзіцца і рыхтуецца да хуткага разгляду касацыйнай скаргі на прысуд.
12 жніўня былога кіраўніка арганізацыі “Платформа” пакаралі трыма гадамі зняволення за нібыта хуліганскія дзеянні. Але, па словах бацькі праваабаронцы, Бандарэнка з прысудам катэгарычна нязгодны і лічыць следства сфальсіфікаваным.
– Размова ішла пра суд. Ён кажа, што многа лістоў напісаны са звінавачваннем яго, з чым ён нязгодны. Звінавачваць чалавека можна, але ж звінавачаны ні да каго не падыходзіў, ні з кім не загаварыў, нічога не прасіў, ні да каго не звяртаўся за цыгарэтай ці прыкурыць, ні ў госці не запрашаў.
Суд у Менску прызнаў Андрэя Бандарэнку вінаватым па трох крымінальных эпізодах. У час іх праваабаронца нібыта ўчыніў хуліганскія дзеянні, збіўшы трох чалавек пры розных абставінах.
Праваабаронца ж лічыць, што адзін з эпізодаў быў наўмысна справакаваны падстаўнымі асобамі, а ў іншых выпадках следчыя і суд не імкнуліся разабрацца ў сітуацыі.
Беларускае Радыё Рацыя, Менск
Фота nv-online.info
Глядзіце таксама
