„Беларусь-АТО” адправілі падарункі дзецям Данбаса
Валанцёры Гуманітарнага маршрута „Беларусь-АТО” адправілі падарункі для дзяцей Данбаса напярэдні Новага года і Калядаў.
Фота facebook.com/gummarshrut
Беларусы з Гародні, Берасця і Менска сабралі каля 200 кг рэчаў, у тым ліку адзення і абутку для дзяцей перасяленцаў з зоны баявых дзеянняў.
Адзін з каардынатараў ініцыятывы Андрэй Стрыжак спадзяецца, што святочны груз трапіць да адрасатаў да праваслаўнага Раства:
– Гэты груз прызначаецца для перадачы дзецям сямей парасяленцаў з Луганскай і Данецкай абласцей Украіны. Мы вельмі спадзяемся, што да праваслаўных калядаў яго ўдасца даставіць на месца. Агульная вага грузу дзесьці каля 200-300 кілаграмаў – гэта рэчы, гэта адзенне, абутак. Таксама спадзяемся, што нам удасца да іх дадаць нейкія смачнюшкі, якія нам прадставяць традыцыйныя донары ва Украіне.
Дабрачынная ініцыятыва валанцёраў Гуманітарны маршрут „Беларусь-АТО” паўстала ў 2015 годзе як рэакцыя неабыякавых беларусаў на ваенныя дзеянні ва Усходняй Украіне. За некалькі год беларусы адправілі ва Украіну каля 10 тон грузаў.
Беларускае Радыё Рацыя, Гомель
