Беларус спрабаваў вывезці ў Польшчу рарытэтныя матацыклы
Ноччу 12-га студзеня ў пункце пропуску «Бераставіца» пры афармленні на выезд з Беларусі мікрааўтобуса Mercedes у салоне аўто гарадзенскія памежнікі выявілі рарытэтныя матацыклы.
Характэрна, што кіроўца іншамаркі, грамадзянін Беларусі, выбраў «зялёны калідор», спадзеючыся без прад’яўлення свайго «багажу» бесперашкодна перасекчы мяжу. Аднак у супрацоўнікаў памежнай службы аўтамабіль выклікаў падазрэнні. І, як аказалася, не дарэмна. У мікрааўтобусе знаходзіліся два рарытэтныя матацыклы: Іж-350 1949 г.в. і М-72 1957 г.в.
Папярэдняя сума ацэнкі ўстанаўліваецца.
Мотатэхніка канфіскавана супрацоўнікамі мытні і адпраўлена на экспертызу.
