Беларусам рэкамендуюць не наведваць Францыю
5 снежня ў Францыі, у тым ліку ў Парыжы, павінен пачацца бестэрміновы агульнанацыянальны страйк. Рух грамадскага транспарту будзе прыпынены. Многія ўстановы будуць зачыненыя. Гэта істотна паўплывае на паўсядзённае жыццё жыхароў і гасцей Францыі, гаворыцца ў інфармацыі пасольства.
Дыпмісія рэкамендуе адмовіцца ад наведвання краіны ў гэты перыяд, а пры знаходжанні ў Францыі, па магчымасці, заставацца дома, напярэдадні зрабіць неабходныя запасы харчавання і паліва. Таксама рэкамендуецца выконваць падвышаныя меры асабістай бяспекі і пазбягаць наведвання месцаў масавага збору людзей.
Прычынай страйку стала планаваная рэформа пенсійнай сістэмы. Як адзначаюць прафсаюзы, грамадскі рух можа стаць самым буйным з 1995 года і працягнуцца да Калядаў.
Беларускае Радыё Рацыя
Фота РИА Новости
