Беларускія эколагі абмеркавалі з еўрапейцамі вынікі стрэс-тэстаў БелАЭС
У Менску адбылася сустрэча беларускіх эколагаў з чальцамі Савету па еўраэкспертызе стрэс-тэстаў атамнай электрастанцыі, што будуецца ў Астраўцы. Як паведамляе намесніца старшыні Беларускай партыі „Зялёныя” Ірына Сухій, падчас еўраэкспертызы беларускаму боку была зададзеная рэкордна вялікая ў параўнанні з іншымі еўрапейскімі краінамі колькасць пытанняў — у суме 460. Вынікам могуць стаць рэкамендацыі змяніць праект АЭС.
– Зыходзячы з таго, як ідзе будаўніцтва і што адбываецца, у нас вельмі вялікія рызыкі. І, магчыма, рэкамендацыі будуць утрымліваць сур’ёзныя прапановы па змене праекта, што будзе вельмі дорага. Насамрэч танней будзе адмовіцца ад будаўніцтва, што, канешне, выглядае не вельмі рэалістычна. Але калі ўсё падлічыць…
Поўная справаздача аб еўраэкспертызе стрэс-тэстаў БелАЭС будзе апублікаваная 3 ліпеня. А публічная прэзентацыя адбудзецца ў Бруселі.
Стась Дадэрка, Беларускае Радыё Рацыя
Глядзіце таксама
