Беларускія грузаперавозчыкі рыхтуюць акцыю пратэсту
Беларускія грузаперавозчыкі рыхтуюць на 4-га лютага акцыю пратэсту каля Дома ўраду. Як паведамляе “Радыё Свабода”, яны лічаць, што ўлады ўвялі сістэму BelToll без належнай падрыхтоўкі і прынеслі прыватным грузаперавозчыкам страты на дзясяткі тысяч еўра. Многім з іх гэта пагражае банкруцтвам.
Арганізатарам кампаніі супраць самаўпраўства ўлады стаў кіраўнік менскай транспартнай фірмы міжнародных перавозак Сяргей Штода. Па ягоных словах, у 2013 годзе ў Беларусі стварылі сістэму платных дарог, але непасрэдных карыстальнікаў увесці ў курс справы забыліся — не было ні адпаведнай працы з перавозчыкамі, ні маштабнай інфармацыйнай кампаніі.
– Паўтара года мы хадзілі па кабінетах. Усё дарэмна. Усе нашыя чаканні, нашая вера ў справядлівасць рухнулі. Са жніўня 2013 года ўвялі платныя дарогі. Інфармацыя пра тое, як працуе сістэма, як ёй карыстацца, што ўвогуле гэта такое, была паўсакрэтнай.
Odtwarzacz plików dźwiękowych
Як адзначыў Сяргей Штода, у выніку каля 5 тысяч юрыдычных асобаў і прадпрымальнікаў мусілі сплачваць вялізныя штрафы за карыстанне сістэмай BelToll „не адпаведнае інструкцыям”. Некаторыя з кампаніяў атрымалі штрафы ў 100 тысяч еўра. Грузаперавозчыкі прапаноўвалі профільным ведамствам амніставаць спагнанні, прынамсі, за тэставы перыяд. Аднак чыноўнікі, паабяцаўшы падумаць, у выніку ісці насустрач адмовіліся. Па словах Штоды, кропку ў разглядзе паставіла Міністэрства фінансаў.
Беларускае Радыё Рацыя
Фота cargolink.ru
Глядзіце таксама
