Беларусы на выставе, прысвечанай Дню абаронцы Украіны
Беларускія добраахвотнікі ўзялі ўдзел у выставе прысвечанай Дню абаронцы Украіны, якая адкрылася ў Нацыянальным музеі гісторыі Украіны ў Другой сусветнай вайны ў Кіеве.
„Упершыню з 20-х гадоў мінулага стагоддзя наш нацыянальны баявы сцяг шануецца на дзяржаўным узроўні. Сёння ў нацыянальным музее Другой Сусветнай Вайны была прэзентавана вялікая выстава прысвечаная Дню абаронцы Украіны. Асобнае месца ў гэтай выставе было прысвечана беларускім добраахвотнікам, якія бралі ўдзел у вайне на Усходзе Украіны. Мерапрыемства праходзіла пад песні Алеся „Тараса” Чаркашына, якія былі напісаныя на фронце. Асобная падзяка каналу 1+1 і камандзе ТСН, за дапамогу арганізацыі гэтай выставы і іх абʼектыўную, адважную працу на фронце,” – паведамляе ў сваім Facebook-акаўнце „Згуртаваньне Патрыётаў”.
