Берасцейская абласная калегія суда прызнала рацыю прыбіральшчыцы
Берасцейская абласная калегія суда пры паўторным разглядзе справы былой прыбіральшчыцы вагоннага дэпо Марыны Мазурэнка вынесла нарэшце рашэнне на яе карысць.
Каля 14 мільёнаў рублёў будзе вылічана з начальніка лакаматыўнага дэпо, па віне якога Марына і яе калега па працы Ганна Кавальчук былі пераведзены на іншае месца працы са шкоднымі ўмовамі без узгаднення з імі.
Калі супрацоўніцы запратэставалі, іх проста звольнілі, кажа прававы інспектар прафсаюза радыёэлектроннай прамысловасці Уладзімір Малей:
– Судовая калегія першапачаткова адхіліла артыкул закона, а ўжыла іншую норму, мы напісалі наглядную скаргу. Старшыня абласнога таксама адхіліў нашу скаргу, ну а намеснік старшыні Вярхоўнага Суда Рэспублікі Беларусь указаў, што насамрэч дапушчана парушэнне.
Кіраўніцтва праявіла жорсткасць і абыякавасць у адносінах да сваіх супрацоўніц. На той час Ганна Коваль была анкахворай. Яе справа завершылася трохі раней, жанчына ў красавіку атрымала 35 мільёнаў кампенсацыі.
Беларускае Радыё Рацыя
