Берасцейскія раварысты сустрэліся з мясцовай уладай
У Берасці адбылася сустрэча раварыстаў са старшынём мясцовага гарвыканкама Аляксандрам Рагачуком.
Як інфармуе афіцыйны сайт установы, на ёй дыскутавалі пра праблемы звязаныя з арганізацыяй веларуху ў горадзе ды шляхі іх вырашэння.
Сітуацыю з інфраструктурай на дадзены момант, каментуе валанцёрка кампаніі “За вела Берасце” Алеся Яршчык прадстаўнікі якой прысутнічылі на сустрэчы:
– Бачна, што ўлады намагаюцца рабіць нешта ў гэтым напрамку, але вельмі павольна, няўдала. Тыя сцежкі, якія робяць, іх малююць на старым асфальце – звычайны ходнік дзеляць на дзве часткі. Для раварыстаў яна вельмі вузкая, каб размінуцца, і нават у адзін бок ехаць нязручна.
Па выніках сустрэчы былі агучаны планы па стварэнні адзінага транспартнага кластэру, у якім аб’яднаюць усе роварныя сцежкі горада. Дзякуючы гэтаму раварыст зможа бяспечна перасоўвацца па горадзе, паведамляе сайт гарвыканкама.
Беларускае Радыё Рацыя, Берасце
