Берасцейцы: Будзем пратэставаць, пакуль завод не закрыюць!
Каля сотні чалавек у Берасці чарговы раз выйшлі для таго, каб выказаць сваю нязгоду ў сувязі са з’яўленнем акумулятарнага завода бліз горада. Тут на плошчы Леніна адбылася акцыя па „кармленні галубоў”. Міліцыя праз мегафон папярэдзіла грамадзян пра адказнасць за правядзенне несанкцыянаванай акцыі.
Найперш абмярковаліся апошнія судовыя справы, — распавялі самі ўдзельнікі:
– Планаваўся суд – мяне вось гэта вельмі цікавіла – па падлогу дакументаў. Праўда, ён не адбыўся. Жанчына, якую мусілі выслухаць, лягла ў бальніцу.
– Тут мы не можам ніяк дабіцца праўды. У нас маленькія дзеці і мы за іх перажываем, таму што гэты “цырк” ужо ўсім надаеў. Ёсць вельмі шмат фота, якія я бачыла, пра тое, якія дзеці нараджаюцца ад свінца. Гэта не дай Божа! Таму мы хадзілі і будзем хадзіць, пакуль завод не закрыюць!
Пратэстоўцы плануюць чарговую акцыю роўна праз тыдзень — 23 лютага.
Беларускае Радыё Рацыя, Берасце
