Берасцейцы – пра Лукашэнку і ЖКГ
Нягледзячы на абуральны выступ Аляксандра Лукашэнкі ў адрас чыноўнікаў жыллёва-камунальнай сферы, берасцейцы не паверылі ў тое, што кошты паслугаў пасля гэтага зменшацца. За доўгія гады народ прызвычаіўся да таго, што Лукашэнка заўсёды нічога не ведае пра падвышэнне цэнаў, а тым не менш яны ўсё растуць. Кажуць людзі:
– Я лічу, што цэны не будуць падаць, а толькі будуць расці.
– У прыватным доме ў ацяпляльны перыяд пры пенсіі 2 мільёны 800 тысяч – 1 мільён 360 тысяч я заплаціў толькі за камунальныя паслугі. Вось як выглядае клопат прэзідэнта пра нас.
Сарказ у людзей выклікае і пачатак 13 крымінальных спраў супраць чыноўнікаў жыллёва-камунальных прадпрыемстваў. Гэта разлічана на залішне даверлівых грамадзян, як кажуць берасцейцы:
– Тое, што яны знайшлі нібыта 13 вінаватых – гэта “паказуха” для народа.
– Гэта пусканне пылу ў вочы нашаму насельніцтву.
– Гэта для пенсіянераў, для бабуль казкі.
– У гэтай сітуацыі ён паводзіць сябе як добры цар-бацюшка, які нібыта хоча пакараць баяраў.
Паводле людзей, чыноўнікі не павінны баяцца арышту, цяпер іх замест турмы ссылаюць кіраваць калгасамі.
Беларускае Радыё Рацыя, Берасце
Глядзіце таксама
