Блогер заклікае прытрымлівацца мераў бяспекі на акцыі
Прытрымлівацца мераў бяспекі ў часе штотыднёвай нядзельнай акцыі заклікае блогер, адзін з лідараў пратэстаў супраць будаўніцтва акумулятарнага завода Аляксандр Кабанаў.
Ужо сёння, 10 траўня, у Берасці адбудзецца чарговая сустрэча «кармлення галубоў», – распавёў грамадскі дзеяч:
– Пры каронавірусе адназначна твары павінны быць абароненыя, людзі павінны быць у масках і захоўваць дыстанцыю, дэзынфекцыю. Гэта ўсё павінна быць.
Наконт затрыманняў. Я не думаю, што яны будуць хапаць усіх запар. Не ведаю, чым усё можа закончыцца, калі будзе чалавек 300-400.
Як адзначыў Аляксандр Кабанаў, прадстаўнікі праваахоўных органаў могуць чарговы раз паспрабаваць не даць патрапіць на плошчу самым актыўным, ці ўжо пасля завяршэння мерапрыемства будуць складзеныя пратаколы.
Беларускае Радыё Рацыя, Берасце
Глядзіце таксама
