Бярозаўчане павіншавалі з днём народзінаў Сяргея Ціханоўскага
Бярозаўчане ў канцы акцыі не забылі павіншаваць блогера-палітвязня Сяргея Ціханоўскага з днём народзінаў.
Людзі дружна скандавалі і, як сімвал Сяргея, – ускідвалі руку, сціснутую ў кулак, уверх.
Гаворыць адна з удзельніц акцыі:
– Святлана Ціханоўская не змагла даехаць да нас, жыхароў горада Бярозы. Але яна нам абяцала, што як стане прэзідэнтам, першы горад, у які яна прыедзе, гэта будзе Бяроза, разам з Сярожам Ціханоўскім. Сяргей, з днём нараджэння! Віншуем!!!
Пасля віншавання людзі разыходзіліся групамі. Трэба адзначыць, каторы дзень пратэстоўцы не бачаць побач міліцыі і ціхароў. Перамяшчацца групамі з аднаго месца на другое больш бяспечна.
Беларускае Радыё Рацыя
