Бярозаўчане рыхтуюцца да зімовых святаў
Бярозаўчане рыхтуюцца да зімовых святаў – дня Божага нараджэння, Новага году. Рыхтуюцца, хто як умее, каму і як дазваляе кашалёк. Настрой у большасці перадсвяточны. Яго падмацоўвае снежная зіма з невялікімі маразамі.
Людзі чакаюць святочных цудаў, нягледзячы на нялёгкія часы. Святы ёсць святы, кажуць жыхары Бярозы:
– Рыхтуемся паціху, купляем смачныя прадукты.
– Я толькі па пятніцах пашчу. Елку ставім, дзецям рыхтуем падарункі.
– Тут на харчаванне ледзь заробіш. Цяжкі цяпер час. У мяне ўсё жыццё пост. Я ўсё жыццё не даядаю і не дасыпаю.
– Штосьці з ежы падрыхтую. У царкву трэба будзе схадзіць.
– Вучым вершы. Малюем паштоўкі святочныя.
– Рыхтуемся гасцей прымаць, частаваць іх.
– Для мяне важна духоўна адзначыць свята, а не забіваць свой страўнік.
З кожным годам адзначэнне гэтых святаў усё больш праходзіць на аснов вяртання мінулых народных традыцый. Гэта калядаванне з песнямі і пастаноўкамі, пераапрананнем і віфліемскай зоркай. У гэтым прымаюць удзел дзяржаўныя ўстановы.
Беларускае Радыё Рацыя
