Бяспечныя зімовыя канікулы
Каб зімовыя канікулы ў школьнікаў малодшых класаў Берасцейшчыны прайшлі бяспечна, дарожная аўтаінспекцыя напярэдадні правяла заняткі з вучнямі. Дзіцячы траўматызм на дарогах вобласці – актуальная праблема рэгіёну.
Супрацоўніца інспекцыі па справах непаўнагадовых Алеся Луцэнка адзначае, што нягледзячы на прафілактычныя акцыі, галоўная адказнасць ляжыць на бацьках:
– Нагадваем дзецям пра бяспеку дарожнага руху, расказваем, як трэба весці сябе на дарозе, каб з імі не адбыўся няшчасны выпадак. У першую чаргу бацькам трэба нагадваць дзецям, асабліва малодшага школьнага ўзросту, як ім трэба паводзіць сябе на вуліцы і пераходзіць дарогу: па мабільным тэлефоне размаўляць нельга, абавязкова здымаць навушнікі.
Па звестках дзяржаўнай аўтаінспекцыі, па стане на снежань, у Беларусі адбылося 352 дарожна-транспартныя здарэнні з удзелам дзяцей, у якіх загінула 27 падлеткаў.
Пятро Савіч, Беларускае Радыё Рацыя
Фота avto25.ru
Глядзіце таксама
