Бязвіз для менскага аэрапорта павялічаць сёлета да 10 дзён
Павелічэнне тэрміну бязвізу да 10 дзён праз менскі аэрапорт чакаецца да канца года. Пра гэта паведаміў намеснік міністра спорту і турызму Беларусі Міхаіл Партной 2 красавіка ў прэс-цэнтры БЕЛТА.
– На двух турыстычных напрамках ужо дзейнічае 10-дзённы бязвізавы рэжым (у некаторых раёнах Берасцейскай і Гарадзенскай абласцях). Па Нацыянальным аэрапорце Менск таксама актыўна ідзе працэс па павелічэнні працягласці знаходжання. Упэўнены, што да канца года будзе прынята станоўчае рашэнне на гэты конт. На бяспеку бязвізавы рэжым не ўплывае, ён станоўча адбіваецца на эканоміцы, палітычным іміджы краіны, — сказаў Міхаіл Партной.
У мінулым годзе Беларусь ўвяла бязвіз для грамадзян 80 краін, якія ляцяць у мінскі аэрапорт. Указ распаўсюджваецца на 39 краін Еўропы, уключаючы ўвесь Еўразвяз, а таксама Бразілію, Інданезію, ЗША, Японію і іншыя дзяржавы. Зараз бязвіз распаўсюджваецца на пяць дзён.
