Чаго нельга рабіць пасля прышчэпкі ад COVID-19
Трэба адмовіцца ад вялікіх фізічных нагрузак. Паведамляе агенцтва «Мінск-Навіны» са спасылкай на камітэт па ахове здароўя Менгарвыканкама.
— Рэкамендуецца на працягу трох дзён пасля вакцынацыі не мачыць месца ін’екцыі, не наведваць лазню ці саўну, не ўжываць алкаголь, пазбягаць празмерных фізічных нагрузак, — адзначылі ў камітэце па ахове здароўя.
У першыя-другія суткі пасля ін’екцыі могуць развівацца кароткачасовыя агульныя рэакцыі: непрацяглы грыпападобны сіндром, які характарызуецца павышэннем тэмпературы цела, агульным недамаганнем, галаўнымі болямі. Магчымыя і мясцовыя рэакцыі на ўвядзенне прэпарата — хваравітасць у месцы ін’екцыі і азызласць. Радзей адзначаецца алергія, млоснасць, дыспенсія, зніжэнне апетыту, часам — павелічэнне рэгіянальных лімфавузлоў.
— Пры пачырваненні, азызласці, хваравітасці месца ін’екцыі варта прыняць анцігістамінные сродкі, да прыкладу, супрасцін, фенкарол, ларатадын, — растлумачылі спецыялісты камітэта па ахове здароўя. — А пры павышэнні тэмпературы цела пасля вакцынацыі можна спажыць несцяроідные супрацьзапаленчыя сродкі, напрыклад, парацэтамол, німесулід.
