Чарговае „кармленне галубоў” у Берасці
Берасцейцы 24 раз выйшлі на плошчу Леніна на гэтак званае „кармленне галубоў” у знак пратэсту супраць будаўніцтва акумулятарнага завода. Па дадзеных праваабаронцаў, на цэнтральнай плошчы Берасця было каля 40 праціўнікаў будаўніцтва акумулятарнага завода. „Мерапрыемства праходзіла пад наглядам сілавікоў”, – зазначыў блогер Сяргей Пятрухін:
– Неяк сёння яны ўвогуле паводзілі сябе патаемна, незаўважна. Вунь там сядзіць «ціхарок» пад елачкай, напэўна. Яшчэ тут адзін хадзіў. Зразумела, што яны робіць гэта праз сілу, ім сорамна. І жорстка іх не хочацца ўжо троліць. Яны адварочваюцца і адыходзяць, ім непрыемна.
З 28 лютага штонядзелю ў 12:00 на плошчы Леніна збіраюцца праціўнікі будаўніцтва акумулятарнага завода, каб абмеркаваць бягучую сітуацыю вакол яго, а таксама падсумаваць вынікі супрацьстаяння.
Поўны гук у далучаным файле:
Мікола Ляшкевіч, Беларускае Радыё Рацыя, Берасце
Фота аўтара
Глядзіце таксама
