«Чырвоны крыж» дапамагае дзецям сабрацца ў школу
«Дапаможам дзецям сабрацца ў школу» – такая традыцыйная акцыя падыходзіць да завяршэння на Берасцейшчыне. Яе ладзяць сябры гарадской арганізацыі Беларускага Таварыства Чырвонага Крыжа.
Актывісты разам з валанцёрамі ўсталявалі скарбонкі ў некалькіх гандлёвых кропках гораду для збору сродкаў. Усе грошы пойдуць на закупку падарункаў для дзяцей са складаных сем’яў, — паведаміла адна з галоўных арганізатарак акцыі Ніна Саванеўская:
— Самая галоўная мэта — аказаць дапамогу дзецям з нешчаслівых сем’яў., малазабяспечаных, шматдзетных, няпоўных сем’яў у падрыхтоўцы да школы. Я б адразу хацела сказаць вялікі дзякуй установам адукацыі, якія пайшлі нам насустрач і арганізавалі дзяжурствы валанцёраў ля скарбонак.
«Важна, калі не проста валанцёры ўключаюцца ў працу, а самі грамадзяне імкнуцца дапамагаць дзецям, якія знаходзяцца ў цяжкіх сітуацыях», — падагульніла Ніна Саванеўская.
Беларускае Радыё Рацыя, Берасце
