Да 19 градусаў цяпла чакаецца ў Беларусі 4 красавіка
Да 19 градусаў цяпла чакаецца па паўднёвым захадзе Беларусі 4 красавіка, паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Уначы будзе воблачна з праясненнямі, удзень – пераменная воблачнасць. Уначы пераважна па паўночнай частцы краіны прагназуюцца кароткачасовыя ападкі, у асноўным дождж. Удзень пераважна без ападкаў. Уначы і раніцай месцамі магчымы слабы туман. Вецер чакаецца паўднёвы, паўднёва-заходні 4-9 м/с.
Тэмпература паветра ўначы складзе ад нуля да плюс 6, удзень будзе 10-16 градусаў цяпла, па паўднёвым захадзе – плюс 17 – плюс 19.
