1. РАЦЫЯ
2. Грамадства
3. Да пяці гадоў калоніі

Да пяці гадоў калоніі

У Берасці працягваецца разгляд крымінальнай справы аб масавых беспарадках пасля выбараў  (ч. 2 арт. 293 Крымінальнага кодэкса) супраць яшчэ 13 берасцейцаў, двое з якіх — непаўнагадовыя.

Пракурор просіць прысудзіць абвінавачаным ад 3 да 5 гадоў калоніі — агулам больш за 50 гадоў зняволення на ўсіх.

Як піша сайт праваабарончага цэнтра „Вясна”, 12 траўня пракурор прапанаваў прызначыць наступныя пакаранні для фігурантаў гэтай справы:

1. 18-гадовая палітзняволеная Віталія Бандарэнка — 4 гады калоніі агульнага рэжыму; 
2. 26-гадовы былы дэсантнік Дзяніс Марусевіч — 4 гады калоніі ўзмоцненага рэжыму; 
3. 22-гадовы Уладзімір Рубашэўскі — 4 гады калоніі ўзмоцненага рэжыму;
4. 21-гадовы Марк Салонікаў — 4,5 гады калоніі ўзмоцненага рэжыму;
5. 27-гадовы Віктар Панцялееў — 4 гады калоніі ўзмоцненага рэжыму;
6. 20-гадовы Даніла Бандарук — 5 гадоў калоніі ўзмоцненага рэжыму (па ч. 1 арт. 339 і па ч. 2 арт. 293);
7. 32-гадовы Вячаслаў Касцючык — 4 гады калоніі ўзмоцненага рэжыму;
8. 20-гадовы Максім Зіневіч — 4 гады калоніі ўзмоцненага рэжыму;
9. 24-гадовы Міхаіл Калішук — 4 гады калоніі ўзмоцненага рэжыму; 
10. непаўналетні Аляксандр Вінярскі — 3 гады выхаваўчай калоніі (просяць узяць іх пад варту ў зале суда);
11. непаўналетні Эдуард Кудынюк — 3 гады выхаваўчай калоніі (просяць узяць іх пад варту ў зале суда);
12. 22-гадовы Андрэй Грышчук — 3,5 гады калоніі ўзмоцненага рэжыму; 
13. 23-гадовы Сіман Канцэвіч — 3,5 гады калоніі ўзмоцненага рэжыму.

Усе абвінавачваюцца па ч. 2 арт. 293 Крымінальнага кодэкса. 20-гадовы Данііл Бандарук яшчэ абвінавачваецца ў хуліганстве: па версіі пракуратуры, 9 жніўня ён ударыў рукой па грузавым аўтамабілі МАЗ і разбіў бакавое люстэрка.

Таксама дзяржабвінавачанне просіць спагнаць з 13 абвінавачаных у роўных долях кампенсацыю:

• 13621,50 рублёў — на карысць УУС Брэстаблвыканкама;
• 457,98 рублёў — Дэпартаменту аховы МУС;
• 2781,16 рублёў — КУП Брэсцкае ДЭП;
• 5307,50 рублёў — КУП „Камунальнік”;
• 689,79 рублёў — КУП „Брэсцкі грамадскі транспарт”;
• пацярпеламу Лычко пакрыць прычыненне маральнай шкоды.

Трое падсудных цалкам пагадзіліся з прад’яўленым абвінавачваннем, сямёра — часткова. Віталія Бандарэнка, Данііл Бандарук і Марк Салонікаў віну не прызналі. 

Беларускае Радыё Рацыя

Глядзіце таксама

20 сутак арышту – за медычную маску з бел-чырвона-белым малюнкам

Эканамічны суд пастанавіў ліквідаваць Цэнтр гарадскога жыцця ў Гародні

65-гадовы пенсіянер, якога асудзілі на 15 сутак, не выйшаў на…

Слонімцу вярнулі аўтамабіль з гербам “Пагоня”