Два чыгуначнікі ў Берасці больш за два гады злівалі дызельнае паліва
У Берасці двух работнікаў чыгункі абвінавачваюць у выкраданні дызельнага паліва, паведаміў афіцыйны прадстаўнік УСК па Берасцейскай вобласці Дзмітрый Іванюк.
37-гадовы жыхар Берасця, які працуе складальнікам цягнікоў, разам з 42-гадовым машыністам цеплавоза лакаматыўнага дэпо неаднаразова выкрадалі дызельнае паліва. Мужчыны размясцілі ёмістасці для яго захоўвання ў арандаваным гаражы паблізу чыгуначнага палатна. Яны абсталявалі там сістэму зліву, якая складаецца з шлангаў, пракладзеных пад зямлёй, і помпаў. Для стварэння лішкаў паліва адзін з абвінавачаных уносіў у афіцыйныя дакументы несапраўдныя звесткі пра час правядзення манеўровых работ.
Усяго са студзеня 2016 года па жнівень 2018-га фігуранты незаконна завалодалі дызельным палівам аб’ёмам больш за 1,4 тыс. л на агульную суму звыш Br1,7 тыс. Следствам дзеяння аднаго з абвінавачаных кваліфікаваныя па ч.2 ст.211 (прысваенне), другога – па ч.2 ст.211 (прысваенне), ч.1,2 ст.380 (выраб, выкарыстанне падробленых дакументаў) КК. Да абодвух мужчын ужыта мера стрымання ў выглядзе падпіскі аб нявыездзе і належных паводзінах.
Прычыненая шкода пакрыта ў поўным аб’ёме. Крымінальная справа перададзена пракурору для накіравання ў суд
Глядзіце таксама
