Двое дзяцей з казанскай школы знаходзяцца ў вельмі цяжкім стане
Двое дзяцей, параненых пры стральбе ў казанскай школе, знаходзяцца ў вельмі цяжкім стане. Усяго ў лякарні зараз 18 пацыентаў, – сказаў міністр аховы здароўя Расеі Міхаіл Мурашка, які наведаў Казань.
Паводле яго слоў, агнястрэльныя раненні атрымалі васьмёра дзяцей, астатнія траўмаваныя пры эвакуацыі. 19-гадовы нападнік, які застрэліў сёння 9 чалавек, затрыманы. Яму 19 гадоў, чатыры гады таму ён скончыў гэтую школу, з’яўляўся навучэнцам каледжу.
Паводле папярэдніх дадзеных, узброены зламыснік зайшоў у навучальную ўстанову і пачаў страляць па дзецях. Школьнікі, ратуючыся ад стральбы, скакалі з вокнаў.
Па факце масавага забойства распачата крымінальная справа.
12 траўня ў Татарстане — дзень жалобы.
Беларускае Радыё Рацыя
Фота: ТАСС
Глядзіце таксама
