Двух сілавікоў судзяць у Віцебску. Суд закрыты
У Віцебскім абласным судзе разглядаюцца крымінальныя былых сілавікоў, якіх абвінавачваюць у перавышэнні ўлады, падбухторванні да гандлю наркотыкамі і шэрагу іншых злачынстваў, паведамляюць «Народныя навіны Віцебска». Працэс закрыты.
Абодва абвінавачаных належалі да сілавых структураў. Анатоль Дзямідаў і Дзмітрый Савянок абвінавачваюцца ў здзяйсненні, падрыхтоўцы або падбухторванні да здзяйснення злачынстваў, прадугледжаных адразу пяццю артыкуламі Крымінальнага кодэкса.
Так, абодвум інкрымінуюць перавышэнне ўлады і службовых паўнамоцтваў. Прычым першаму абвінавачванне вылучана толькі па частцы 3 артыкула 426 КК, а другому — па частках 2 і 3. Трэцяя частка гэтага артыкула, між іншым, разглядае здзяйсненне службовай асобай дзеянняў, якія відавочна выходзяць за межы правоў і паўнамоцтваў, дадзеных яму па службе, спалучанае з гвалтам, пакутамі ці абразай пацярпелага альбо ужываннем зброі або спецыяльных сродкаў.
Таксама абодва фігуранты абвінавачваюцца ў падбухторванні да распаўсюджвання наркотыкаў.
Разам з тым Дзямідава абвінавачваюць у загадзя ілжывых паказаннях, злучаных з абвінавачваннем у цяжкім або асабліва цяжкім злачынстве або са штучным стварэннем доказаў абвінавачвання альбо здзейсненых з карыслівых меркаванняў (частка артыкула 401 КК) і падрыхтоўцы да падобнага ж злачынства (частка 1 артыкула 13 і частка 1,2 артыкула 401 КК) , а Савенка — толькі ў падрыхтоўцы (частка 1 артыкула 13 і частка 1 артыкула 401 КК).
У дадатак да гэтага Дзямідаў і Савянок абвінавачваюцца ў перашкодзе яўцы сведкі, пацярпелага альбо дачы імі паказанняў — злачынства прадугледжанае артыкулам 403 КК.
Справа Анатоля Дзямідава і Дзмітрыя Савянка разглядаецца на закрытых судовых пасяджэннях, што характэрна для працэсаў над прадстаўнікамі сілавых структур або органаў улады. Як паведаміла «Народным навінам Віцебска» афіцыйны прадстаўнік Віцебскага абласнога суда Наталля Платоненка, слуханні па гэтай крымінальнай справе пачаліся 30 лістапада.
Паводле vitebsk.cc
