Дзе адпачываюць беларусы?
Лета – пара адпачынкаў. Сёлета жыхары Бярозаўшчыны для адпачынку выбіраюць пераважна Балгарыю і Турцыю замест мінулагодняга папулярнага Крыма. Але пуцёўкі стараюцца купляць танней, кажа Святлана Зайцава – спецыяліст па продажы турыстычнай кампаніі “Сезон адпачынку” ў Бярозе:
– У гэтым годзе маем даволі багаты выбар краінаў, але большасць выбірае Турцыю і Балгарыю. Паводле коштаў, гэта атрымліваецца найбольш танны від адпачынку. Усё ж большасць нашых турыстаў, выбіраючы пуцёўку, звяртае ўвагу на яе цану, а не на пражыванне. І асноўная мэта – гэта адпачыць, а не забіваць сабе галаву ўмовамі пражывання ў гатэлі.
На вуліцах горада тых, хто паехаў бы на мора на адпачынак, сустрэць не ўдалося:
– Дзяцей у Турцыю адправім.
– Паедзем на вёску да маці.
– У вёсцы Маліч адпачываць буду. Больш нідзе. На мора не ездзім.
– Дома, у агародзе. Мы беларусы, не на моры жывём, на жаль.
– Гэтым летам адпачываю на цудоўнай рэчцы Ясельдзе.
– Я ўжо адпачывала – скончыўся адпачынак. Была на лецішчы, за горадам. Увогуле, у пэўным узросце ўжо на адпачынак шкада жыцця. Калі не прызвычаіўся так жыць, то і не жывеш.
У беларускіх санаторыях і іншых зонах адпачынку нашы грамадзяне не адпачываюць. Месцы разбіраюць у асноўным расейцы, якіх у беларускіх месцах адпачынку рады прыняць. Бо пуцёўкі для іх каштуюць даражэй.
Беларускае Радыё Рацыя, Бяроза
Фота belta.by
Глядзіце таксама
