Джамала выступіць у Вільні
14 чэрвеня ў Вільні выступіць пераможца «Еўрабачання» Джамала. Сёння спявачка прыбыла ў сталіцу Літвы. У аэрапорце яе чакаў цёплы прыём.
Мерапрыемства адбудзецца ў Дзень жалобы і надзеі, у які Літва ўшаноўвае памяць ахвяр масавай ссылкі нявінных грамадзян на тэрыторыі Сібіры і Крайняй Поўначы. 14 чэрвеня 1941 года з Літвы ў вагонах для перавозу скаціны было вывезена больш за 30 000 чалавек.
Канцэрт пад назвай «За нашу і вашу свабоду», у якім выступіць украінская спявачка, пачнецца на Кафедральнай плошчы ў 20:30. Яго арганізуе падпісант Акта аб незалежнасці Літвы Эмануэліс Зінгерыс і Літоўскі саюз татарскіх суполак.
Нагадаем, 14 траўня Джамала перамагла ў фінале «Еўрабачання» з песняй «1944», прысвечанай дэпартацыі крымскіх татараў пры Сталіне.
Глядзіце таксама
