Дзмітрый Лучыц: Звольнілі, бо дамагаўся лепшых умоў працы
Малады чалавек Дзмітрый чатыры гады адпрацаваў у Берасцейскай абласной бальніцы. Ён працаваў медбратам у рэанімацыйнай брыгадзе. Аднак цяпер вымушана працуе ў іншым месцы і не па адукацыі: яму не працягнулі кантракт без тлумачання прычынаў. Хлопец у бальніцы спрабаваў палепшыць умовы працы, але кажа, што не шкадуе:
– Калі атрымаецца, я буду далей змагацца і дапамагаць людзям, якія там засталіся і не могуць змагацца.
Кар.: Патрымлівалі вас вашыя калегі?
– Патрымлівалі. Але, як аказалася, нядоўга. Улада, запужванне – усё такое.
Кар.: Зараз там змянілася нешта ў лепшы бок?
– Не сказаць, што змянілася, працэнтаў 10 з тых, хто дамагаўся, нечага дамогся.
Кар.: А што менавіта?
– Мінімальна. Форму павыдавалі людзям, рэжым крыху адладзілі, большы кантроль зрабілі.
Дзмітрый Лучыц у час працы ў бальніцы арганізаваў сход, на якім медыкі выказалі кіраўніцтву прэтэнзіі адносна недахопаў на працоўным месцы, а таксама запатрабавалі аплату за перапрацоўку і шкодныя ўмовы. Дайшлі з патрабаваннямі да міністэрства. Арганізатар сходу ў выніку аказаўся за парогам бальніцы.
Беларускае Радыё Рацыя
Глядзіце таксама
