Дзяніс Івашын: Для Беларусі – гэта толькі пачатак
Тры вечары ў Беларусі адбываюцца супрацьстаянні і акцыі.
Дзяніс Івашын, гарадзенскі журналіст, які быў на падобных акцыях і ў іншых краінах, лічыць такую сітуацыю вялікімі зменамі ў краіне:
– Пункт не вяртання пройдзены пасля пацверджаных смерцяў пратэстоўцаў. Гэта будзе ўжо зусім іншая краіна. Таго, чаго было раней, калі былі мірныя пратэсты і памкненні, – гэта ў мінулым. Таму што рэжым Лукашэнкі перайшоў гэтую мяжу, перайшоў гэтую чырвоную рысу.
Журналіст кажа, што ў Беларусі ёсць ужо забітыя на акцыях і гэта вельмі кепска:
– Мы ведаем пакуль толькі пра аднаго забітага. Цалкам мажліва і значна больш. Паводле пэўнай інфармацыі ў нас у Гародні таксама ёсць забітыя. Прынамсі зараз непацверджана інфармацыя пра двух чалавек. Гэта тое, што вядома. А па ўсёй Беларусі іх можа быць значна больш, таму што актыўныя супрацьстаянні адбываюцца не толькі ў Менску і Гародні, але ў Берасце, у Баранавічах, у Гомелі ды іншых гарадах Беларусі. Цалкам мажліва гэта толькі пачатак.
Па словах журналіста, такая вялікая колькасць людзей даўно не выходзіла на вуліцы розных гарадоў Беларусі.
Беларускае Радыё Рацыя
Глядзіце таксама
