Дзяржаўтаінспекцыя рыхтуе змены ў ПДР
Да канца года Дзяржаўтаінспекцыя прапануе праект са зменамі ў ПДР. Сярод асноўных новаўводзінаў – выразнае пазначэнне правілаў пропуску пешаходаў: у які момант кіроўца павінен спыніцца, каб даць прайсці.
Хтосьці лічыць, што пешахода неабходна прапускаць, як толькі ён падышоў да пераходу, іншыя – трэба спыніцца, калі пешаход знаходзіцца на адлегласці двух палос. Такія сітуацыі часта становяцца прадметам спрэчкі і заканчваюцца штрафамі, у новых правілах унясуць яснасць: парушыў вадзіцель ці не.
Працягваецца праца і па стварэнні сістэм відэаназірання. Зусім хутка Дзяржаўтаінспекцыя зможа адсочваць любыя парушэнні ў рэжыме онлайн. Ужо праз два месяцы пра іх пачнуць апавяшчаць з дапамогай СМС.
Прасцей стане і з вадзіцельскімі пасведчаннямі – у іх ўшыюць спецыяльныя чыпы, з дапамогай якіх інспектары змогуць даведацца дадзеныя кіроўцы, не спыняючы аўтамабіль.
