Экстрадыцыі з Расеі чакаюць не менш за тры беларусы, абвінавачаных па „пратэставых справах”
Найменш, як тры беларускія грамадзяніна, абвінавачаныя па крымінальных справах у сувязі з пратэстамі, чакаюць экстрадыцыі ў Беларусь. Пра гэта паведаміў кіраўнік прававых праграм Маскоўскай Хельсінкскай групы Раман Кісялёў падчас анлайн-сустрэчы «Пераслед беларусаў у Расеі».
Усяго, па дадзеных расейскіх праваабаронцаў, пачынаючы са снежня мінулага года ў Расеі былі затрыманы сем фігурантаў крымінальных спраў у сувязі з беларускімі акцыямі пратэсту. Шасцёра з іх застаюцца пад вартай.
Чацвёра затрыманых знаходзяцца ў маскоўскіх ізалятарах, двое – у СІЗА Санкт-Пецярбурга.
Праваабаронца патлумачыў, што, паводле расейскага заканадаўства, лімітаваны тэрмін утрымання пад вартай у сувязі з магчымай экстрадыцыяй складае шэсць месяцаў. Калі за гэты час рашэнне не прынята, фігуранта павінны адпусціць на свабоду, аднак гэта не выключае далейшага станоўчага рашэння аб экстрадыцыі.
Беларускае Радыё Рацыя
Глядзіце таксама
