Фільм пра забойства Шарамета атрымаў яшчэ адну прэстыжную ўзнагароду
Дакументальны фільм-расследаванне «Забойства Паўла» атрымаў адну з самых прэстыжных еўрапейскіх прэмій – DIG Award 2018.
Фільм нарабіў шмат шуму ва Украіне, адкрыўшы некаторыя абставіны забойства ў Кіеве журналіста Паўла Шарамета. У прыватнасці, аўтары фільма адкрылі новыя старонкі, якія не былі вядомыя нават следству.
На днях Генеральны пракурор Украіны Юрый Луцэнка прызнаўся, што следства не мае сур’ёзнага прасоўвання ні па адной з версій. Аўтамабіль, у якім ехаў Шарамет, быў падарваны раніцай 20 ліпеня 2016 года ў цэнтры ўкраінскай сталіцы.
Нагадаем, 29 красавіка ў Менску на Паўночных могілках на магіле журналіста адбылося адкрыццё помніка.
Беларускае Радыё Рацыя
Глядзіце таксама
