Вольга Грунова звярнулася ў Камітэт ААН па правах чалавека
Гамяльчанка Вольга Грунова звярнулася ў Камітэт ААН па правах чалавека са скаргай на жорсткае і бесчалавечнае стаўленне з боку дзяржавы.
Жанчына дабіваецца рассакрэчання месца пахавання яе сына ў дачыненні да якога была ўжытая вышэйшая мера пакарання.
На фота: форма „смяротніка”, якую Вольга Грунова атрымала па пошце пасля расстрэлу яе сына Аляксандра Грунова.
Не абараніўшы свае правы ў Беларусі, Вольга Грунова з дапамогай праваабаронцаў збіраецца праз Камітэт ААН па правах чалавека праверыць законнасць забароны інфармацыі пра месца пахавання пакараных смерцю людзей.
– Я ўжо гаварыла колькі разоў: хацелася бы ведаць, дзе магіла яго. А якая там можа быць магіла? Раней я чула, што можа быць іх у Бараўлянах недзе хаваюць. А як туды ехаць і што там? Я вельмі ўдзячная, што ёсць людзі, якія змагаюцца за справядлівасць.
Вольга Грунова — маці расстралянага Аляксандра Грунова, які быў асуджаны да расстрэлу за жорсткае забойства 22-гадовай студэнткі Наталлі Емяльянчыкавай.
Беларускае Радыё Рацыя
Глядзіце таксама
