Гарадзенскі Стары Замак цяпер з купалам
На браме Старога Замку ў Гародні раніцай 4 сакавіка з’явіўся вялікі, 8-мі метровы, купал.
З’яўленне купалу над уязной брамай – гэта адна з праблемаў рэканструкцыі Старога Замку ў Гародні, якая шмат разоў абмяркоўвалася як беларускімі, так і замежнымі адмыслоўцамі.
Сучасны выгляд купалу – сумесная распрацоўка польскіх спецыялістаў разам з навуковым кіраўніком рэканструкцыі Старога Замку Уладзімірам Бачковым.
А сама рэканструкцыя ў Старым Замку працягваецца. Да лета 2020 году плануецца завершыць першы этап. Плануецца, што ў наступных этапах дапамогаць у парадах па рэканструкцыі будуць адмыслоўцы з Польшчы.
Беларускае Радыё Рацыя
Фота Сяргея Апановіча.
