Гарадзенскія арнітолагі правялі назіранні за птушкамі
Назіранні прайшлі ў межах XII Адкрытага чэмпіяната па спартыўнай арніталогіі.
Сёлета Гародню прадстаўляла каманда “Гарадзенскія United”. Яна складалася з 4-х чалавек, якія ў розны час прадстаўлялі розныя каманды. Арнітолагі назіралі ў пойме ракі Свіслач, каля вёскі Хамікі і каля вадасховішчаў.
Пра правілы чэмпіянату расказаў Зміцер Вінчэўскі, намеснік старшыні гарадзенскага аддзялення “Аховы птушак Бацькаўшчыны” і адзін з удзельнікаў каманды:
– Падобныя спаборніцтвы праходзіць па ўсім свеце. Правілы лёгкія: ствараюцца каманды з чатырох чалавек, яны на працягу 12 гадзін назіраюць за птушкамі. Усе удзельнікі павінны убачыць птушку – толькі тады від залічваецца.
З самых цікавых рэгістрацый сёлета арнітолагі называць куліка камнешарку. Кожны год рэгіструюцца віды, яія знаходзяцца пад пагрозай вынішчэння. Каб іх захаваць, трэба захоўваць іх натуральныя месцы пражывання.
Па выніках конкурсу першае месца занялі “Цмокі” з Баранавіч. Яны зарэгістравалі 112 відаў. Гарадзенцы з вынікам 91 від апынуліся на 8-м месцы.
Беларускае Радыё Рацыя
