Гарадзенцы наракаюць на немагчымасць самастойнай рэгістрацыі на візы
Новы графік рэгістрацыі візавых анкет у Генеральным консульстве Рэспублікі Польшча у Гародні не пазбавіў жыхароў вобласці ад складанага працэса атрымання візы.
Пачынаючы з ліпеня, дыпламатычная пляцоўка тры разы на месяц у сістэме e-konsulat прапануе даты рэгістрацыі візавых анкет па будніх днях. Аднак, колькасць жадаючых не зменшваецца, а зарэгістраваць анкету застаецца такой жа складанай справай, як і было да зменаў, калі рэгістрацыя ажыццяўлялася адзін раз на месяц – адзначаюць гарадзенцы.
– Калі зрабіць больш спрошчаную рэгістрацыю, консульства не справіцца на памежжы, бо кожны захоча візу.
– Мы займаемся перавозкамі, у нас штодня бусы ездзяць на Беласток, возяць людзей, і то нам праблематычна было адкрыць візу для кіроўцаў. Нам давялося адмыслова пісаць консулу ліст у электронным выглядзе. І консул нам дапамог.
– Грамадзяне Беларусі імкнуцца трапіць у Еўропу, як турысты ці на закупы. У тую самую Расею ніхто не едзе, як турыст, туды едуць зарабляць грошы. А ў Еўропу едуць іх траціць.
– Рэгіструюся сама, не выкарыстоўваю дапамогу агенцтваў.
– Мы побач. Тут і Літва і Польшча, здаецца, што не павінна быць ніякіх абмежаванняў, каб паехаць, пабачыць свет.
Штомесяц Генеральнае консульства Рэспублікі Польшча ў Гародні выдае да 12 000 візаў.
Пасля ўвядзеннем з 23 чэрвеня новых правілаў атрымання шэнген-візаў, паводле якіх паўстала неабходнасць здаваць біяметрычныя дадзеныя, колькасць візаў, якія выдае польскае консульства ў Гародні, нязначна зменшчылася.
Беларускае Радыё Рацыя
Глядзіце таксама
