Гародня: больш дзясятка акруг – без альтэрнатывы
На пасяджэнні Гарадзенскай гарадской камісіі па выбарах у мясцовыя саветы 2018 года сталі вядомыя вынікі рэгістрацыі кандыдатаў ў дэпутаты. Пра вынікі рэгістрацыі распавядае доўгатэрміновы назіральнік Віктар Сазонаў:
— З 52 прэтэндэнтаў не зарэгістравалі 5 чалавек. З іх два чалавекі з яскравай апазіцыі: прадстаўнік прафсаюза РЭП Васіль Корабаў і спадарыня Котава, прадстаўніца АГП. У іх знайшлі парушэнні: не былі зарэгістраваныя аўтамабіль і кватэра. Такія ж парушэнні былі знойдзены яшчэ і ў трох іншых чалавек. Цікавая акалічнасць, што вельмі шмат безальтэрнатыўных акруг.
Odtwarzacz plików dźwiękowych
Адзін з ўдзельнікаў выбараў 2018 году пенсіянер Мікола Салянік лічыць гэтыя выбары цыркам:
— Я сядзеў на пасяджэнні гэтай камісіі і сам у душы пасміхаўся, што таксама ўдзельнічаю ў гэтым цырку. Па некаторых падліках дванаццаць ці болей акруг зусім безальтэрнатыўныя, дзе ідуць толькі кандыдаты ад улады. Гэта сведчыць пра тое, што людзі не давяраюць гэтым выбарам.
Odtwarzacz plików dźwiękowych
Ужо з 19 студзеня ў Беларусі пачынаецца перыяд актыўнай агітацыі за кандыдатаў. Мясцовыя выбары адбудуцца ў кріне 18 лютага 2018 году.
Беларускае Радыё Рацыя
