Гародня: дапамога з канвоем ад Генконсульства Польшчы
У Гарадзенскі інфекцыйны абласны шпіталь прыйшоў гуманітарны канвой з Польшчы.
Распавядае Генеральны консул Рэспублікі Польша ў Гародні Яраслаў Ксёнжык:
– Гэтая дапамога была арганізавана польскім МЗС пры ўдзеле іншых арганізацый, у тым ліку дзяржаўнай пажарнай службы, тэхніка і кіроўцы якой удзельнічаюць у дастаўцы груза. Каардынуе акцыю польскі консул і амбасадар Міхальскі. Зараз даставілі груз на Гарадзеншчыну. Тут антыінфекцыйная сродкі, маскі.
Паводле Генеральнага консула, гэтая дапамога не толькі для шпіталёў Гародні і Менска:
– Арганізацыйна кіруе дапамогай консульства ў Гародні. Мы стараемся, каб да шпіталёў наш канвой трапіў без праблем. А затым накіруемся ў Менск. І даставім груз для тых, хто патрабуе яго ў Менску, але не толькі ў Менску, магчыма і ў іншых гарадах.
Гарадзенская вобласць пакуль па колькасці захварэўшых на каронавірус знаходзіцца на апошнім месцы ў Беларусі – каля 200 захварэўшых .
Беларускае Радыё Рацыя
Фота Сяргея Апановіча.
