Гародня: парэшткі жаўнераў перадалі ў ваенкамат
Знойдзеныя пры пабудове гандлёвага цэнтру Triniti ў Гародні парэшткі жаўнераў Другой сусветнай вайны перадалі ў ваенкамат. Гэтыя знаходкі ў Гародні – першыя за апошнія пяць год.
Пра знаходкі распавядае маркетолаг ТРК Triniti Сяргей Іваноў:
– Знайшлі амуніцыю і чалавечыя парэшткі. Меркавана, гэта байцы часоў Другой сусветнай вайны. Папярэдне па касцях ног бачна, што гэта тры салдаты. Знойдзены 133 патроны. Часткі зброі, часткі амуніцыі. Таксама знойдзены медальён. Усё перададзена ў ваенкамат. Гісторыкі будуць гэта вывучаць. Іх змогуць пахаваць, і родныя нарэшце даведаюцца, дзе яны пахаваны.
Цяпер працы па будаўніцтве гандлёвага цэнтру спыненыя і на месцы працуе пошукавая група з Менску. Непадалёк знаходзіцца помнік невядомым жаўнерам, якія загінулі у гэтых мясцінах падчас ІІ Сусветнай вайны.
Беларускае Радыё Рацыя, Гародня
Фота БелТА
Глядзіце таксама
