Гісторыя пра жодзінскага Леніна
27 верасня 2007 года ў Жодзіне ў мікрараёне ТЭЦ разваліўся помнік Леніну. Пад пастаментам ляжалі верхняя частка тулава, галава і правая рука.
Выданне «Барысаў Электронны» паведаміла, што адбылося гэта “ў выніку ўдараў цяжкім тупым прадметам”. Аднак мясцовыя ўлады супакоілі грамадскасць і запэўнілі, што помнік зусім не падвяргаўся атацы вандалаў, а разваліўся сам па сабе – ад часу, і паабяцалі аднавіць скульптуру.
Гэта было не першы раз, калі ў жодзінскага помніка ўзнікала праблема. У ранейшыя гады мясцовы Ленін некалькі разоў перажыў рэстаўрацыю, калі яму аднаўлялі то нос, то вуха. А свастыку, якую перыядычна малявалі на пастаменце, тыднямі ніхто не замалёўваў.
Нейкі час перад плошчай стаяла палова Ілліча. Відаць, мясцовыя ўлада не гублялі надзею, што атрымаецца знайсці сродкі на рэстаўрацыю. Але неўзабаве ногі “важдя” з пастамента зніклі, а затым знік і сам пастамент.
У суседнім з помнікам будынку, які раней належыў гарвыканкаму, паўстаў краязнаўчы музей. Грамадскасць горада прапаноўвала ўсталяваць на вызваленым месцы помнік заснавальніку горада Жодзіна князю Багуславу Радзівілу. Але гэтая прапанова так і не была рэалізавана.
[Not a valid template]
Васіль Кроква, Беларускае Радыё Рацыя
Фота аўтара
Глядзіце таксама
